Sawa at pagod na ako hindi ko na hihilingin at sisikapin na makamit ang gusto ko. Tanggapin na lang ang katotohanan na..
Talagang maitim ako. Ubos na gluta at pampa-puti ko pero ganun pa rin. Ayos lang. Maganda naman ako.
Palakasan na lang ng loob.
Wala na akong hihilingin pa kundi ang maging maligaya ka sa piling ng iba….
Hahahahahahahaha..
Parang kanta lang nung sinaunang panahon.
Simula ng naging tatay yung tatay mo araw araw father’s day, yan ang tandaan mo.
:)
Hindi mo kailangan maghintay ng isang espesyal na araw para iparamdam kung gano mo sya kamahal or kung gano ka kasaya na tatay mo sya. Araw araw mo iparamdam sa kanya ang lahat lahat na dapat mong ipadama na mahal mo sya. Hanggat nakakasama mo sya, hanggat kaya mo, iparamdam mo, ipakita mo, sabihin mo na mahal mo siya.
Hanggat may panahon pa, gawin mo na. Baka hintayin mo pa yung susunod na taon para lang iparamdam na mahal mo sya, pero baka huli na.
Hi.
Ako si Pia. Naaalala mo pa ba ako? Naalala mo dati magtropa tayo? Bat bigla kang naglaho ng walang maliwanag na paliwanag kung bakit naging ganto tayo? Okay..sige kahit walang paliwanag, alam ko naman na magkaibigan tayo pero sana naman kinausap mo na lang ako ng maayos kung gusto mong layuan ako..gusto ko lang naman malaman kung “bakit po?”
Labo mo naman pare oh. Miss ko na yung dating tayo. Yung walang humpay na asaran at pag napikon sya yung talo. Kainis ka naman eh. Nagkalimutan na tayo kahit di ko naman to ginusto. :(
Labo mo.
Kasing labo ka ng mata ko at mata mo na pinaghalo.
As in..ganun kalabo.
Tropa naman. Wala namang ganyanan. Nung umpisa akala ko batang tampuhan lang, pero bat ganun lumipas na yung ilang buwan wala pa ring pansinan? Totohanan na pala to.
Akala ko ba naman ako yung kakanta sa kasal mo kasi ang dami mong kanta na gusto mong i-cover ko. Sorry naman po. Kung hindi ko lahat nagawa yun..alam ko lagi kong excuse na “Busy ako..” kaya nga sorry naman po. Akala ko ba naman makikilala ko yung mahal mo kasi alam mo naman na masaya ako para sayo.
Hindi ko alam kung hanggang kailan to. Hindi ko alam kung maaayos to. Eh pano maaayos kung hindi ko naman alam kung anong rason mo?
Sorry naman po.
Nakita kita kaninang umaga at alam kong alam mo na nasa likuran mo lang ako.. Ang gara mo naman.. Dinedma mo ko, kaya ganun din ginawa ko sayo. Parang hangin na ramdam mo pero hindi mo alam kung nasaan mismo.
Yun oh.
Kahit ilang beses ka ng niloko sa pag-ibig, nagiging uto-uto ka ulit pag na inlove ka na naman.
Think Positive.
Dalawang salita na ang dali sabihin pero kina-kailangan ng panahon para magawa at matanggap yung mga bagay bagay na nangyayari sa paligid.
Parang “Move ON” lang.
Ang dali dali sabihin, kala mo ganun ganun lang. Akala mo pag sinabi mo sa sarili mo to, automatic kang makakapag move on. Pero kung di ka mag momove-on hindi mo maiisip yung mga positibo sa likod ng mga bagay bagay na nangyari sayo.
Kahit na sa tingin mo eh lahat ng tao ay napaka-saya, sa likod ng mga isip ng bawat isa, eh siguradong may positibo at negatibo. Nasa sayo na lang kung pano mo iibahin yung pag iisip mo. Kung sa tingin mo eh masaklap na yung mga nararanasan mo, ikumpara mo yung kalagayan mo sa iba na mas matindi pa pala yung nararanasan kesa sayo.
6:21 am
Gutom na talaga ako ng bongga. As in.
Kakain na ako ng tao.
Charot.
Makapaghanap na nga lang ng makakain sa ref at sana hindi ako makakita ng tupperware na icecream tapos pag binuksan mo isda pala.
Good morning! :) Salamat at Biyernes na.
